If Ah Dead, Ah Dead

By Ateebo

Fire brigade, water de road
Today is we day oh
Fire brigade, water de road
Si mweh mo, mweh mo
Fire brigade, water de road
Today is we day oh
Fire brigade water de road
If ah dead, ah dead!

Dey will kill, kill, kill one another
To grab de falling coins
Dey go kiss and kiss de hand ah de thrower
He’s a son ah dey loins.

Fire brigade, water de road
Today is we day oh
Fire brigade, water de road
Si mweh mo, mweh mo
Fire brigade, water de road
Today is we day oh
Fire brigade water de road
If ah dead, ah dead!

Dey saying, “Fix yuhself boss, we belly done ban.”
Dey go glad fuh two lime to make juice
What if yuh slap dem? Dey go still shake yuh hand
Trini people made for abuse.

Fire brigade, water de road
Today is we day oh
Fire brigade, water de road
Si mweh mo, mweh mo
Fire brigade, water de road
Today is we day oh
Fire brigade water de road
If ah dead, ah dead!

Dey swallowing Jumbie Beads to forget dey sorrow
Dey hoping what doh kill will fatten
Yuh tell dem take ten and doh call yuh tomorrow
You have dem lowlands to flood and more hills to flatten

Fire brigade, water de road
Today is we day oh
Fire brigade, water de road
Si mweh mo, mweh mo
Fire brigade, water de road
Today is we day oh
Fire brigade water de road
If ah dead, ah dead!

If ah dead, ah dead, we going de same place
We all leaving wit empty hands
There’ll be no time fuh scheming when face to face
With the one and only Master of this land.

Fire brigade, water de road
Today is we day oh
Fire brigade, water de road
Si mweh mo, mweh mo
Fire brigade, water de road
Today is we day oh
Fire brigade water de road
If ah dead, ah dead!

Oh Trinidadians, wake up and open yuh eyes
The Devil is answering yuh front door
Is dutty copper, not manna dat falling from yuh skies
Even doves must now speak of war!

Fire brigade, water de road
Today is we day oh
Fire brigade, water de road
Si mweh mo, mweh mo
Fire brigade, water de road
Today is we day oh
Fire brigade water de road
If ah dead, ah dead!

© 2006 - Ateebo
Posted with kind permission of the author.